asociación cultural alifáfaro

Actividades nROLate 08: Nintendo Wii

2008-12-04T11:20:00.004+01:00

Para ampliar un pouco as opcións de xogo imos ter a consola de Nintendo a disposición dos asistentes. Así coma tamén unha boa mostra dos xogos realizados para esta plataforma.

Deixa a vergoña na casa e ven cos teus amigos a xogar con eles ou ¡contra eles!.

E durante o domingo teremos unhas cantas sorpresiñas…

nROLate 08: ¿Cómo chegar?

2008-12-01T15:21:00.003+01:00

Para todos aqueles que teñan dúbidas da situación do emprazamento deste ano poden ver a situación exacta grazas o Google maps, e ata trazar a rota para chegar:

Ver mapa más grande

Emprazamento nROLate 08: Centro Cultural

2008-12-01T04:41:00.002+01:00

Este ano, por mor dunhas obras no polideportivo, mudamos de emprazamento. O Centro Cultural de Goián cederános as súas instalacións durante toda a fin de semana, concretamente o primeiro andar.

A partir das 10 da mañá do sábado as portas estarán abertas a todos os visitantes.

Actividades nROLate 08: Heroclix

2008-11-26T23:54:00.000+01:00

Non so de fantasía épica e futurista vívese no mundo das miniaturas... os nosos heroes de sempre tamén teñen un oco. Dun lado os da Marvel, ou mellor os da DC, non importa. Poderedes aprender a manexarvos cas vosas personaxes favoritas e pelexar cas do voso opoñente.

E non so iso, os primeiros que se acheguen e participen desta actividade levaranse coma agasallo unha figuriña de Batman, o rei das tebras, o cabaleiro escuro.

Actividades nROLate 08: Yu-Gi-Oh!

2008-11-25T23:13:00.000+01:00

Grandes e pequenos, durante o fin de semana estarán connosco un grupo de asiduos xogadores do xogo de cartas Yu-Gi-Oh!. Preparade os vosos mazos cos feitizos máis potentes para competir con eles e facelos morder o po. Van vir guerrilleiros, pero tamén traerán algunha sorpresiña debaixo do brazo para os máis ousados.

Actividades nROLate 08: Classified

2008-11-25T22:44:00.000+01:00

Os amantes das emocións fortes non deben deixar pasar esta aventura! Unha incrible e terrorífica partida de rol en vivo baseado no mundo de Cold City.

Mais unha actividade para o Sábado(6 de decembro) pola noite.... máis detalles o mesmo día da partida.

Actividades nROLate 08: Crónicas de Gáidil

2008-11-20T23:55:00.000+01:00

Coma o ledes! O sábado as 12 da mañá (non vos esquezades da hora!) teremos unha mesa redonda cos autores do xogo de rol "As Crónicas de Gáidil". Pablo Fernandez e Nacho Rodriguez escribiron o primeiro libro en galego feito por galegos.

Falaremos sobre a orixe do xogo e a súa xestación, doutros xogos, do mundo de rol en xeral e de todo o que poida xurdir. Vos tamén teredes voz e poderedes preguntarlles todo o que queirades.

Pasarán todo o día connosco, aproveitade!! Estas oportunidades non se dan todos os días!!

Visitade o seu blog: http://ascronicasdegaidil.blogspot.com/

Actividades nROLate 08: Warhammer

2008-11-20T20:04:00.001+01:00

As miniaturas van ter este ano un protagonismo especial. Imos ter moitos xogadores de Warhammer armados con moita paciencia, non so dos seus exércitos, para ensinarnos a xogar a este abraiante xogo.

Entre eles contaremos con xente da Asociación Cultural Mixtura, promotores do Torneo de Warhammer de Valladares (en Vigo) no que na sua última edición xuntaron máis de 60 afeccionados. ¡60 exércitos loitando entre eles!

As sorpresas están garantidas... e mentras podedes visitar o seu blog: http://acmixtura.blogspot.com/

Actividades nROLate 08: Obradoiro de pintura

2008-11-20T18:21:00.000+01:00

Os rapaces da Asociación de Maquetistas Celtas, de Redondela, visitaránnos o Sábado (6 de decembro). Din que van traer unha boa colección de bártulos, polo que curiosos e interesados non dudedes en aparecer polas Xornadas!.

Esta xente está disposta a deixarnos pampos con seus traballos e, sobre todo, cas técnicas que usan para pintar. Rumoréase que algún vai levar o aerógrafo!! Iso ha de ser digno de ver en acción.

Podedes visitar a sua web: http://www.maquetistasceltas.org/

Actividades nROLate 08: Diplomacy

2008-11-18T23:17:00.000+01:00

Comenzamos a anunciar as actividades:

O domingo (7 de decembro) pola tarde estaremos dedicados a ensinarvos a xogar o DIPLOMACY. Trátase de un xogo de taboleiro moi sinxelo, no estilo do Risk. Tende por seguro que quedaredes con ganas de máis!!!

6 e 7 de decembro

2008-11-13T01:25:00.000+01:00

O fin podemos dicir as datas nas que imos a celebrar as xornadas deste ano. Moito foi o traballo realizado e o moito é o que aínda queda por vir.

En pouquiño tempo iremos enumerando as actividades que estamos a preparar de cara á edición deste ano. Mantédevos atentos o blog para coñecer todas as novidades!!

Aloxamento nROLate 08

2008-11-13T00:31:00.000+01:00

Nas datas deste ano fará un pouco de frio e polo tanto desaconsexamos que a xente veña a acampar este ano. Pero como pensamos en vos estivemos a buscar opcións e unha delas e a Pousada da Juventude situada na veciña Vila Nova de Cerveira. Atópase a 10 minutos de Goián e os prezos son máis que asequibles:

Por persoa en cuarto multiple: 13€
Por cuarto dobre: 32€

O link é: http://www.pousadasjuventude.pt/edicoes1/pousadas/artigos.asp?rev=1&cat=23&art=222

Ambiciosos ano a ano

2008-06-17T15:37:00.000+02:00

Xa temos imaxe para o nROLate deste ano, iso quere dicir que o proxecto está moi avanzado e andamos a falar con colaboradores e patrocinadores.

Esta edición haberá moitas novidades e sorpresas para todolos públicos. Pero como ainda estamos organizando todo, ¿qué e o que vos gustaría que houbese nesta edición?.

Quentando motores do nROLate 2008

2008-05-20T13:59:00.001+02:00

Debido ao éxito acadado durante as “Xornadas de Rol: nROLate” celebradas o pasado ano, a Asociación Alifáfaro repite a experiencia neste ano 2008. Tódolos asistentes valoraron positivamente esta actividade colectiva e lúdica, polo que este ano haberá novos regalos para os participantes e novas competicións.

As boas relacións cos actuais colaboradores e patrocinadores, e os novos contactos creados a partir daquela experiencia, fan posible que hoxe poidamos adiantar a data do vindeiro nROLate, previsto para finais de agosto.

Grazas á contribución de diferentes editoriais, ao fondo adquirido pola propia asociación e a coleccións privadas de diversos membros asociados, poderemos contar cunha ampla selección de xogos nos seus diferentes campos. Todos eles formarán parte das exposicións e estarán a disposición dos asistentes, co fin de incrementar a oferta de ocio na vila para a xente nova.

Presentación de Ulises a Zampamonstros

2007-11-16T12:09:00.002+01:00

Esta noite terá lugar na cidade de Vigo a presentación do filme “Ulises a Zampamonstros” na que colabora a asociación Alifáfaro. O proxecto recibiu nas axudas do 2007 da Axencia Audiovisual Galega a cantidade de 50.000 euros, dun orzamento total de 200.000 euros para a súa realización.
O filme, do que é directora e guionista Nerea Castro Vicente contará para o seu desenvolvemento co apoio da produtora viguesa Deboura. Esta noite presentarase a súa páxina web, ademais do inicio da rodaxe que vaise levar a cabo en dúas fases. A primeira consistirá en crear os correspondentes efectos especiais mediante ordenador para conseguir escenas que non se poden realizar por medios normais ou que a súa creación é demasiado cara ou perigosa. Para lograr os resultados requiridos utilizaranse programas como o XSI Softimage, empregado nas mellores superproducións cinematográficas.
No transcurso da última semana de febreiro e as tres primeiras semanas de marzo do vindeiro ano iniciarase a rodaxe do filme en HD xa coa presenza dos actores que darán vida ás personaxes desta historia. Unha historia que, tomando como punto de partida os vertidos tóxicos arroxados na fosa atlántica no ano 1981 polo goberno de Margaret Tatcher, denunciará o continuo risco de hecatombe ecolóxica ao que está exposta Galicia.
Esta axuda da Consellería de Cultura da Xunta pensada, ademais con éxito salientábel, para permitir o acceso de novos realizadores ao ámbito cinematográfico, non permite en cambio polas duras condicións do mercado unha difusión fóra da dos circuítos alternativos. A Zampamonstros, nun caso de verdadeira fortuna, vai ser distribuída en DVD en EE. UU. grazas ao contrato que Deboura conseguiu asinar no último mercado da televisión de Cannes cunha distribuidora americana especializada no xénero fantástico e de terror.

Ulises, festa presentacion

2007-11-11T11:36:00.000+01:00

O venres 16 de novembro presentaremos o proxecto de "Ulises, a Zampamonstros" cunha gran festa na sala La Fabrica de Chocolate de Vigo. Contaremos ca actuación en vivo do grupo F.A.N.T.A., ca animación do Dj Chiri e algunhas que outras sorpresas. O remate da festa será no after El Manco e correrá a cargo do conhecidisimo Dj Juan de Pablos (locutor da Radio3).

Non faltedes!!!

Imáxenes de nROLate

2007-10-22T18:32:00.000+02:00

Máis vale tarde que nunca, aquí subimos algunhas imáxenes das Xornadas de Rol: nROLate que levamos a cabo o pasado 4 e 5 de Agosto, e que foron un pequeno éxito para a nosa Asociación.

Ulises, a Zampamonstros

2007-08-30T17:35:00.000+02:00

Podemos anunciar xa que grazas á Consellería de Cultura e Deporte, empezamos con bo pé a pre-produción da longametraxe. Manteremosvos informados do que suceda. Mentres, podedes ver unha demo do que poderá ser a longametraxe.

Resultado das Xornadas e novos proxectos

2007-08-25T21:44:00.000+02:00

Podemos dicir que as Xornadas de Rol foron un pequeno éxito para Alifáfaro. Todos os asistentes quedaron moi contentos co resultado, coas actividades dispostas e ca cantidade de regalos que tiñamos para todos aqueles que participaron, ademais dos gañadores das competicións.

Afianzáronse as boas relacións cos actuais colaboradores e patrocinadores, e creáronse novos contactos de cara aos futuros eventos relacionados co mundo dos Xogos de Rol.

Por outra banda podemos facer oficial o comezo da preprodución dunha longametraxe que será rodada o longo do 2008: “Ulises, a Zampamonstros”. O xénero da mesma estará encadrada na serie B, propia do Hollywood dos anos 50, e pretende achegar aos máis xoves da comarca ao proceso de realización dun filme. Coñecerán de preto como fan os efectos especiais, como se actúa para as películas ou como se compón música para elas.

En pouco tempo iremos amosando diferentes deseños da produción, así coma subiremos imaxes das Xornadas de Rol: nRolate.

nROLate: Como chegar

2007-07-28T14:29:00.000+02:00

Este é o mapa de como chegar as Xornadas de ROL: nROLate que a Asociación Cultural Alifáfaro vai celebrar o vindeiro fin de semana do 4 e 5 de Agosto.

Existe unha liña regular de autobuses, VIGO - TUI - A GUARDIA, da empresa ATSA que ten unha parada a preto de 200 metros do Polideportivo. Para os que se acheguen no se propio vehículo, o redor do Polideportivo existe unha ampla zona de aparcamentos.

A zona de acampada está tamén situada o carón do emprazamento das xornadas, e disporán de servizos e duchas no interior do complexo.

Cartel Xornadas: nROLate

2007-07-27T14:23:00.001+02:00

Xornadas de Rol en Goián

2007-07-20T18:58:00.000+02:00

Xa podemos confirmar a celebración das primeiras Xornadas de Rol: nRolate.

Terán lugar o 4 e 5 de Agosto no polideportivo de Goián; as portas abriranse ó público o sábado as 16:00, e as actividades durarán ata o domingo as 20:30.

Alí poderedes coñecer de preto diferentes tipos de Xogos de Rol, desde manuais dos xogos máis coñecidos ata cartas ou Wargames. Haberá partidas de iniciación e avanzadas, para os que xa coñecen os xogos, así coma agasallos e outras sorpresas.

Habilitaremos unha zona de acampada para todos aqueles que se despracen dende lonxe ou os que non queiran perder un intre de xogo.

En pouco tempo engadiremos máis información referente as Xornadas, así coma o cartel das mesmas.

Traballando a reo

2007-06-14T01:42:00.000+02:00

Estamos a traballar moi duramente nos seguintes proxectos da asociación. En breve faremos as primeiras confirmacións de cara o verán para que podades ir reservando as datas nas vosas axendas.

Tamén dentro de pouco colgaremos na rede a folla de inscripción para todo o que o desexe poida unirse a nos.

Chegamos!

2007-06-04T18:55:00.000+02:00

O fin estamos na rede. Traballo nos costou pero xa estamos aquí.

A nosa idea é acadar de aquí a un tempo un site propio, bastante máis completo do que este Blog. Pero polo momento esta será a nosa bitácora e aquí iremos informando dos movementos da Asociación.